कतार एयरवेज सहिद स्मारक ‘ए’ डिभिजन लिगमा थ्री स्टार क्लब र एपीएफ क्लबले बराबरी खेलेको छ ।
दशरथ रंगशालामा आइतबार भएको खेलमा थ्री स्टार र एपीएफले ०-० को बराबरी खेलेको हो ।
यस बराबरीसँगै एपीएफले लिगमा पहिलो एक अंक जोडेको छ । अघिल्ला तीन खेलमा एपीएफले लगातार हार व्यहोरेको थियो ।
त्यस्तै, थ्री स्टारले ४ खेल खेलिसक्दा १ मा जित २ बराबरी र १ हार बेहोरेको छ । पछिल्लो ३ खेलमा थ्री स्टार जित बिहिन रहेको छ ।
बराबरीसंगै थ्री स्टार पाचौं स्थानमा रहेको छ भने एपीएफ १३ औं स्थानमा रहेको छ ।
