जर्मन लिग बुन्डेस लिगामा शीर्ष स्थानमा रहेको बार्यन म्युनिकले तेस्रो स्थानमा रहेको बायर लेभर्कुसेनमाथि गोलको बर्षा गरेका छन् ।
खेलको ४ मिनेटमा नै बार्यनका स्टार लेवान्डोस्कीले गोल गर्दै खाता खोले ।
३० औं मिनेटमा फेरि लेवान्डोस्कीले ब्यक्ति दोस्रो र टिमका लागि पनि दोस्रो गोल गरे ।
३४ औं मिनेटमा बार्यनका थोमस मुल्लरले गोल गर्दै ३-० को अग्रता दिलाउन सफल भयो ।
३५ मिनेटमै जिन्याब्रीले गोल गर्दै ४-० बनाए ।
३७औं मिनेटमा फेरि जिन्याब्रीले अर्को गोल गर्दै बार्यनलाई पहिलो हाफमै ५-० को फराकिलो अग्रता दिलाएका हुन् ।
दोस्रो हाफमा लेभर्कुसेनका प्याट्रीकले ५५ औं मिनेटमा गोल गर्दै खेल ५-१ मा टुंगियो ।
जित संगै बार्यन म्युनिक शीर्ष स्थानमा यथावत रहेको छ भने बायर लेभर्कुसेन तेस्रो स्थानमा रहेको छ ।
