जर्मन बुन्डेस लिगा अन्तर्गत शुक्रबार राती भएको खेलमा बोरुसिया डर्ट्मुन्डले एफसी क्लोनमाथी फराकिलो जित निकालेको हो ।
खेलको १ मिनेटमा नै राफाएल गुरेइरोले गोल गर्दै डर्ट्मुन्डलाई अग्रता दिलाए ।
२९ औं मिनेटमा मार्कोस रेउसले डर्ट्मुन्डको अग्रता दोब्बर बनाए ।
४८ औं मिनेटमा जेडन सान्चोले गोल गरे ।
६५ औं मिनेटमा मार्क उठले एफसी क्लोनका लागि गोल गर्दै ३-१ बनाए ।
६५ औं मिनेटमा थोर्गन हाजार्डको ठाउमा मैदान आएका एर्लिङ हालान्डले ७७ र ८८ औं मिनेटमा दुई गोल गर्दै बोरुसिया डर्ट्मुन्डलाई ५-१ को जित दिलाए ।
जितसंगै बोरुसिया डर्ट्मुन्ड लिगको तेस्रो स्थानमा उक्लेको छ भने क्लोन १३ औं स्थानमा रहेको छ ।
