बुन्डेसलिगामा बोरुसिया डर्टमण्डले सहज जित निकालेको छ ।
बुधबार राति भएको खेलमा डर्टमण्डले ग्रेउथर फर्थलाई ३-० गोल अन्तरले हराएको हो ।
डर्टमण्डलाई जित दिलाउन अर्लिङ हालाण्डले दुई गोल गरे । डोनएल मालेनको नाममा एक गोल रह्यो ।
खेलको ३३ औं मिनेटमा हालाण्डले पेनाल्टीमा गोल गर्दै टिमलाई सुरुआती अग्रता दिलाएका थिए ।
खेलको ८२ औं मिनेटमा हालाण्डले व्यक्तिगत दोस्रो गोल गर्दै टिमलाई २-० को अग्रता दिलाए ।
त्यसपछि खेलको ८९ औं मिनेटमा मालेनले गोल गर्दै डर्टमण्डलाई ३-० को सहज जित दिलाए ।
यस जितसँगै डर्टमण्डले १६ खेलमा ३४ अंक जोडेको छ ।
डर्टमण्ड दोस्रो स्थानमा रहेको छ ।
फर्थ ४ अंक जोडेर पुछारमा रहेको छ ।
