इंग्लिस प्रिमियर लिगमा आर्सनलले जित हात पारेको छ ।
शुक्रबार राति भएको खेलमा आर्सनलले एस्टन भिल्लालाई ३-१ गोल अन्तरले पराजित गरेको हो ।
आर्सनलको जितमा थोमस पार्टे, पिएरे एम्रिक औबामियाङ र इमिल स्मिथले एक एक गोल गरे ।
एस्टनका जाकोब रामसेले एक गोल फर्काए ।
खेलको २३ औं मिनेटमा थोमसले गोल गर्दै आर्सनललाई सुरुआती अग्रता दिलाएका थिए ।
पहिलो हाफको इन्जुरी समयमा पीएरेले गोल गर्दै आर्सनललाई २-० को अग्रता दिलाए ।
खेलको ५६ औं मिनेटमा इमिलले गोल गर्दा आर्सनल ३-० ले अघि रह्यो ।
त्यसपछि खेलको ८२ औं मिनेटमा एस्टनका जाकोबले एक गोल फर्काएपनि आर्सनल ३-१ ले विजयी भयो ।
जितसँगै आर्सनलले ९ खेलमा १४ अंक जोडेको छ ।
आर्सनल ९ औं स्थानमा उक्लिएको छ ।
एस्टन १० अंक जोडेर १३ औं स्थानमा रहेको छ ।
