इंग्लिस प्रिमियर लिगमा चेल्सीले फराकिलो जित निकालेको छ ।
शनिबार राति भएको लिगको २२औं खेलमा चेल्सीले पाहुना टोली बर्नलीलाई ३–० ले हरायो ।
स्टामफोर्ड ब्रीजमा भएको खेलमा चेल्सीका लागि खेलको २७औं मिनेटमा जर्जिन्होले पहिलो गोल पेनाल्टीमार्फत् गरेका थिए ।
त्यसपछि ३८औं मिनेटमा टमी अब्राहमले गोल गरेपछि चेल्सी पहिलो हाफमा २–० ले अघि रह्यो ।
त्यसपछि दोस्रो हाफ सुरु भएको ४ मिनेटमै चेल्सीका लागि क्यालुम हुडसन ओडीले गोल गरेपछि चेल्सी खेलमा ३–० ले अघि रह्यो । त्यसपछि बाँकी समयमा थप गोल नभएपछि खेल चेल्सीले ३–० को सहज जित हात पार्न सफल भयो ।
जितसंगै चेल्सी चौथौ स्थानमा यथावत रहेको छ भने बर्नली १५ औं स्थानमा रहेको छ ।
