एजेन्सी, एट्लेटिको म्याड्रिडका फरवार्ड एन्टोइन ग्रिज्म्यानले च्याम्पियन्स लिग अन्तर्गत समुह चरणको एसि मिलानविरुद्धको खेल गुमाउने भएको छ ।
युईएफएले एट्लेटिको म्याड्रिडलाई ग्रिज्म्यानले लिभरपुलको खेलमा रातो कार्ड पाए पछि निलम्बन गरेको थियो ।
ग्रिज्म्यानको निलम्बन कति समयको लागि तोकिएको थिएन । उनले लिभरपुलसंगको खेल गुमाउने बताइए पनि मिलानसंगको खेलमा पनि नखेल्ने भएको छ ।
यस्तै, महत्त्वपूर्ण खेलमा डिएगो सिमिओनेलाई आफ्नो स्टार खेलाडिको अभाव खड्किने छ ।
एट्लेटिकोका लागि अर्को खेलाडि फिलिपेले पनि मिलानसंगको खेल गुमाउने छ ।
उनले साडियो मानेमाथि फाउल गरे पछि रेफ्रिले सोझै रातो कार्ड देखाएका थिए ।
