क्रिस्मस अघि सबै फुटबल खेल रोक्न इङलिस क्लबका प्रशिक्षकको आवहान

एजेन्सी, इङलिस क्लब ब्रेन्ट्फर्डका प्रशिक्षक थोमस फ्र्याङ्कले क्रिस्मस अघि इङलिस फुटबललाई रोक्न आवहान गरेका छन्। रिपोर्टका अनुसार उनले सम्बन्धित निकायहरुलाई यस विकेन्डका प्रेमियर लिग तथा अर्को हप्ता हुन गैरहेको इ.एफ.एल कपको क्वाटर फाइनल खेल पनि स्थगित गर्न आवहान गरेका छन्।

युकेमा कोरोनाभाइरस केसहरू बढ्नुका साथै गत दुई हप्तामा धेरै खेलहरू स्थगित गरिएका थिए। म्यान्चेस्टर युनाइटेड र ब्रेन्टफर्डका साथै टोटनह्याम र ब्राइगटनका खेलहरु पनि स्थगित गरिएको थियो।