एजेन्सी, इटालियन प्रशिक्षक एन्टोनियो कोन्टे इङलिस क्लब टोटनह्याम हट्स्परको नयाँ प्रशिक्षकका रुपमा नियुक्त हुने सम्भावना प्रबल देखिएको छ। रिपोर्टका अनुसार टोटनह्यामको नयाँ प्रशिक्षक हुन कोन्टे पनि तयार रहेका छन्।
क्लबले प्रशिक्षक नुनो स्प्रिरिटो सान्टोलाई नियुक्त गरेको ४ महिनामा नै बर्खास्त गरेपछी हाल टोटनह्याम नयाँ प्रशिक्षकको खोजीमा छन्।
प्रिमियर लिग अन्तर्गत म्यानचेस्टर युनाइटेडसँगको खेलमा ३–० गोलले पराजित भएपछि नुनो पदबाट बर्खास्त भएका हुन्।
