एजेन्सी, स्पेनिस ला लिगा फुटबलमा एट्लेटिको मड्रिडले सहज जित निकालेको छ। आइतबार राति भएको खेलमा एट्लेटिकोले रियल बेटिसलाई ३-० गोल अन्तरले हराएको हो ।
एट्लेटिकोलाई जित दिलाउन यान्निक कारास्को र जोआ फेलिक्सले एक एक गोल गरे। एक गोल आत्मघाती उपहार पाएको थियो ।
खेलको २६ औं मिनेटमा कारास्कोले गोल गर्दै एट्लेटिकोलाई अग्रता दिलाएका थिए ।
खेलको ६३ औं मिनेटमा जर्मन पेजेल्लाले आत्मघाती गोल गरेपछि एट्लेटिकोले २-० को अग्रता बनायो ।
त्यसपछि खेलको ८० औं मिनेटमा फेलिक्सले गोल गर्दै एट्लेटिकोलाई ३-० को जित दिलाए ।
जितसँगै एट्लेटिको ११ खेलमा २२ अंक जोडेको छ ।
एट्लेटिको चौंथो स्थानमा उक्लिएको छ ।
बेटिस २१ अंक जोडेर पाँचौं स्थानमा रहेको छ ।
