विश्वमा सबैभन्दा चर्चित र कठिन लिग मानिने फूटबल लिग इङलिस प्रेमिएर लिगले एकै दिन ३ भिन्न लिग लिडर पाइएको छ ।
सनिबार भएको सबै खेल सक्किदा सम्म लिगमा ३ छुटाछुदै क्लबहरु शीर्ष स्थानमा रहन सफल भयो ।
सनिबारको खेल सुरु हुनु अघि चेल्सी शीर्ष स्थानमा रहेको थियो ।
शीर्ष स्थानमा रहेको चेल्सीले भने वेस्टह्यामबिरुद्धको खेल ३-२ ले हार्न पुग्यो ।
त्यसपछि, लिभरपुलले खेलको अन्तिम मिनेटमा गोल गर्दै वुल्भ्सबिरुद्ध १-० को जित निकाल्दै केही समयको लागि लिगको शीर्ष स्थानमा रहन सफल भयो ।
दिनको अन्तिम खेलमा, म्यान्चेस्टर सिटीले वाट्फोर्डबिरुद्ध ३-१ को जित हात पार्दै सिटी लिगको शीर्ष स्थानमा रहेको छ ।
लिगमा १५ खेल खेलिसक्दा म्यान्चेस्टर सिटी ३५ अंक सहित शीर्ष स्थानमा रहेको छ, दोस्रो स्थानमा लिभरपुुलको ३४ अंक रहेको छ भने तेस्रो स्थानमा चेल्सीको ३३ अंक रहेको छ ।
