कतार एयरवेज सहिद स्मारक ए डिभिजन लिग अन्तर्गत आज भएको खेलमा त्रिभुवन आर्मी क्लबले थ्री स्टार क्लबलाई लिगको पहिलो हार चखाएको छ ।
सातदोबाटो स्थित एन्फा कम्प्लेक्समा भएको खेलमा पहिलो हाफ गोल रहित बराबरी भएको थियो ।
दोस्रो हाफको ५५ औं मिनेटमा नवयुग श्रेष्ठले गोल गर्दै आर्मीलाइ अग्रता दिलाए ।
७९ औं मिनेटमा निलम्बनबाट फर्किएका सन्तोष तामाङले फ्री किकबाट उत्कृष्ट गोल गर्दै आर्मीलाइ २-० को जित दिलाउन सफल भयो ।
थ्री स्टार क्लबको लिगमा यस सिजन यो पहिलो हार हो ।
